05 Nov 2008 -
එදා මෙදා තුර කඳුලට විවරවු දෑස් පියන්පත් කවුලු වසා
ළයේ ගලා ගිය සෙනේහයේ සුව සිනා පිරූ රත් දෙතොල් පියා
මිලාන වී ගිය රෝස කුසුම් පෙති කම්මුල් සුදුමැලි පාට පොවා
දෑත ළයේ බැඳ අවසන් ගමනක සොඳුරිය මට නොකියාම ගියා
දෑස් කවුලුපත් පලා කඳුලු කැට වෑහෙද්දී මගේ දෑස් අගින්
කාත් කවුරුවත් වෙතත් හිතයි මට පාත් වෙන්න ඔය මුවට උඩින්
ඈත්ව යන්නට සමුගෙන කවුරුත් ඔබෙ මුව දොවතත් සුවඳ පැනින්
මාත් මගෙ හිතටත් ඔබ සුවඳයි ඈත් නොවේමයි ඒ සුවඳින්
ඊයේ ඉපදී අද මිය යන්නට පෙරුම් පුරාගෙන උපන් ළයේ
ඊයේ වේගෙන් අහස උසට බැඳි ආදර ලෝකය හෙටත් තියේ
ඒත් ඉතින් දැන් සොඳුරියෙ ඔබ නැත ඇයි මේ ලොව මා තනිව ගියේ
ආයේ දවසක එක හිත් ඇත්තන් වී අපි ඉපදෙමු එකට ප්රියේ
ගායනය - සනත් නන්දසිරි
05 Nov 2008 -
සඳ තරු නිහඬයි
ගහකොල නිසලයි
මුලු ලොව සැතපෙයි
සිතිවිලි විතරක් අවදි වෙලා
පියා නුවන් යුග නිවා හැඟුම් සිත
සැතපෙන්නට වෙර දරන පැයේ
පාලුව තනිකම කුටියට අවුදින්
හදවත අවදි කලා
සඳ තරු නිහඬයි...
මවා නුවන් ඔබ ඔබේ තෙපුල් සඳ
සිහිනයකින් මෙන් ගලා රැයේ
සෙනෙහස හඬවා මතකය ඉකි බිඳ
හදවත අවදි කලා
සඳ තරු නිහඬයි...
ගායනය - ඩබ්. ඩී. අමරදේව
05 Nov 2008 -
රෝස කුසුමක් පිපී
නොවිඳි සුවඳක් දැනේ
නොලද සුවයක් සදා පුබුදුවා සුවහසක් පැතුමන්
රෝස කුසුමක් පිපී
මා අවදි කර යහනින්
ඔබ එබී හිනැහී කවුලුවෙන්
කියා රහසක් සැලෙන දෙතොලින්
නොනැඟෙනා වදනින්
නොහැඟෙනා අරුතින්
රෝස කුසුමක් පිපී ...
ඔබේ සුවඳ ලද මොහොතින්
සිත වෙලා සිටි ඒ ආදරෙන්
මගේ තනිකම හඬයි ඉකිබිඳ
දෙපා මුල හැපෙමින්
වසා මුව දෝතින්
රෝස කුසුමක් පිපී ...
ගායනය - සුනිල් එදිරිසිංහ
05 Nov 2008 -
කඩමණ්ඩියේ දොළ අයිනේ නුඹව පෙනී
නැවතී බලනවා මොහොතක් කොහොම හරි
කතා නැතුව සිටියත් ගොලු වෙලා අපි
දාහක් දේ තිබේ කීමට බැරුව වැසී...
ගහකොල වලට දාහක් ඇස් ඇති හින්දා
සුළඟට පවා දාහක් කන් ඇති හින්දා
කවදාවත්ම නුඹ මට නොලැබෙන හින්දා
මුනිවත හොඳයි දෙබසින් දුක වැඩි හින්දා...
කඩමණ්ඩියේ දොළ අයිනේ...
සයුර මොටද දිය දෝතක් බොන්න බැරි
ඔරුව මොටද වතුරේ පැද යන්න බැරි
දෑස මොටද සිතු සේ දැක ගන්න බැරි
කුසුම මොටද ලංවී රොන් ගන්න බැරි...
ගායනය - නන්දා මාලිනී
05 Nov 2008 -
රෑ අහසින් වැටෙනා බින්ඳු බින්ඳු පිණි බින්ඳු
නොපිපි මල සොයනවා
මුවා වී, ඉන්න එපා, හරි සීතලයි
සීතලයි පින්න
සිප ගන්න බයෙන් මහ පොළොව
පිණි බින්ඳු හඬනවා... නිම්නාද දී
දෙතොලතර ඉඩ දෙන්න නවාතැන්පල වෙන්න
හරි සීතලයි පින්න
රෑ අහසින්...
අනෝරා පිණි යටින් තෙමි තෙමී ඇවිදින්න
ගිනි නැගෙනා ආත්මය පිණි දියෙන් දෝවන්න
සිරුරතර ඉඩ දෙන්න නවාතැන්පල වෙන්න
හරි සීතලයි පින්න
ගායනය - කසුන් කල්හාර
05 Nov 2008 -
සුසුම් පොදක් වී...
හදේ ලැගුම් ගෙන ඔබ පෙරදා
ජීවිතයම ලෙස සිතූ සෙනේහය
ගෙන ගියේ මට නොකියා
මගේ සරා සඳ හදේ සුවඳ ගෙන
නුඹ කොහිදැයි සිතුනා
හො හෝ හෝ හෝ...
හො හෝ හෝ හෝ...
මේ කුළු සේ විත් නිල් අහසේ බැඳි
ගිම්කල නිමවා හදට රහසේ බැඳී
මන කුමුදු විලේ පිපුනු
සුවඳ කුසුම නුඹ සොඳුරු
මටත් හොරා නුඹ තියා ගිහින්
නෙත කඳුළු...
සුසුම් පොදක් වී...
දිගත හමායන මද පවනක් වී
රෑකල සිහිනෙක හද තුල සැඟවී
මුදු කැළුම් සලා දිගැසින්
රැය පුරා ගෙනේ සරදම්
නුඹේ අකීකරු සිතින් නොවේ
මට අස්වැසුම්...
සුසුම් පොදක් වී...
ගායනය - කසුන් කල්හාර
05 Nov 2008 -
පැතු සෙනෙහේ සේයා රූ මහදේ තියා
ඇඳි සිතුවම් හොරැහින් මා ළගටම තුරැළු වෙලා
හිත පතුලට උණුසුම් සුසුමක් ඇවිදින් සොයා
ඒ සෙනෙහේ තාමත් නෑ හීනයක් වෙලා
කෝළම් කරන් ආවත් හිත යට ගුලි වෙමින්
මිමිණුව වදන් මතකද නිල් අහසට තරම්
නොනිදා නෙතේ නැවතී නම්
හිත ඈතින් ඈතට ආවම ළං වෙලා
අපෙ හීනෙන් හීනෙට පාටක් ගෑවිලා
පැතු සෙනෙහේ සේයා රූ...
මායම් හිතේ ආදර හැඟුමන් තවරමින්
හුස්මක් දුරින් නැවතුනු හැටි පුදුමයි ඉතින්
රැඳෙනා හිතේ සුසුමක් තරම්
සංසාරෙම හුරු ඒ සුවඳේ පැටලිලා
මගේ ජිවිත ගමනට ඔය නෙතු ඉඟිකලා
පැතු සෙනෙහේ සේයා රූ...
ගායනය-පූර්ණ සචින්ත / කුෂාණි
05 Nov 2008 -
දෙකොපුල් කඳුලින් තෙමා තොල්පෙති නලලත තබා
නික්මුනදා හිස සිඹ මා ලතැවෙමි රෑ තුන්යමේ
සුහදිනියේ...
මින් පෙරදි අපි මේ වගේ වෙන්වී යන්නට ඇති
මේ කදුළු ගංගා ඉමේ කොතැනක හෝ
මගෙ ජීවිතේ ඉකි බිදී ඔබ දෙනෙත් යලි යලි සොයයි
අපි පතා ආවා වගේ වෙන්වී යයි
ඔබ පපුතුරේ මා හිඳී මගේ පපුතුරේ නුඹ හිඳී
ලං වෙන්න වෙන්නෙ නම් නෑ සුහදිනියේ...
දෙකොපුල් කදුලින් තෙමා තොල්පෙති නලලත තබා
නික්මුනදා හිස සිඹ මා ලතැවෙමි රෑ තුන්යමේ
සුදු සිනිදු මල් පෙති වගේ ගිලිහී යන්නට ඇතී
මුදු සුවඳ දැනෙනා ඉමේ දෙතැන පිපී
හමුවීම ප්රේමය නොවේ වෙන්වීම ප්රේමය වඩයි
අපි පතා ආවා වගේ වෙන්වී යයි
ඔබෙ සිහිනවල මා හිඳී මගෙ සිහිනවල නුඹ හිඳී
එය පියවි ලෝකය නොවේ සුහදිනියේ
දෙකොපුල් කඳුලින් තෙමා තොල්පෙති නලලත තබා
නික්මුනදා හිස සිඹ මා ලතැවෙමි රෑ තුන්යමේ
සුහදිනියේ...
ගායනය-ළහිරු පෙරේරා / අභිෂේඛා විමලවීර
05 Nov 2008 -
මීවිත පිරුනා මැදියම් රෑ
ඔබ නැති පාළුව දැනුනා ඉවසුම් නෑ
නෙතු ළග සීතල මැවුනා
කඳුලක් තාලෙට හැලුනා
මා හද හැඬුවා ඔබ දන්නෑ
සියොලඟ තෙමුනා තුරුලට වී
සද ගිනිගත්තා උණුසුම් වී
මතකය පමණයි ඈ මියැදී
මේ තනි යහනේ මා තනිවී
නෙතු ළග සීතල මැවුනා
කඳුලක් තාලෙට හැලුනා
මා හද හැඬුවා ඔබ දන්නෑ
මීවිත පිරුනා මැදියම් රෑ...
වාවනු බෑ හිත ගිනිගත්දී
මට උණුසුම විතරයි ඔබ ඉද්දී
සුදු පාටින් ඇයි ඔබ සැරසී
ඔය නිලනෙතු නිහඬයි අද පියවී
නෙතු ළග සීතල මැවුනා
කඳුලක් තාලෙට හැලුනා
මා හද හැඬුවා ඔබ දන්නෑ
මීවිත පිරුනා මැදියම් රෑ...
ගායනය - දිනේෂ් තරංග
05 Nov 2008 -
අහසේ තරු කැන් ඉහිලා දුකකින් වගේ
අඳුරේ හෑඬුවා රහසේ
තනිකම ඉහිලුම් නොදේ
ගිලුනා හද මා අඳුරේ
ඔබ පෙරදා ආදරෙන් මා ලගින් උන් හැටී
එහි සැමරුම් රූපමයි ජීවිතේ
මතකද හැන්දෑවේ අපි දෙන්නා මන්දාරම් අඳුරේ
දවසක් දා මල් වැස්සේ තෙමුනා
මතකද හැන්දෑවේ අපි දෙන්නා මන්දාරම් අඳුරේ
දවසක් දා මල් වැස්සේ තෙමුනා
තනිකම් දැනුනත් හිතට මතකය නැහැ නික්මිලා
මනරම් හෑඟුම් දහස සොඳුරේ ඔබමයි සැමදා
ඔබ පෙරදා ආදරෙන් මා ලගින් උන් හැටී
එහි සැමරුම් රූපමයි ජීවිතේ
මතකද හැන්දෑවේ අපි දෙන්නා මන්දාරම් අඳුරේ
දවසක් දා මල් වැස්සේ තෙමුනා
සුසුමේ වෙලී උණුසුම් වෙවී වස්සානයේ අප ළං වූ හැටී
හිරිමල් හිතේ හීනයක් වගේ හීනයක්ද ගීතයක්ද මේ ජීවිතේ
ඔබ පෙරදා ආදරෙන් මා ලගින් උන් හැටී
එහි සැමරුම් රූපමයි ජීවිතේ
මතකද හැන්දෑවේ අපි දෙන්නා මන්දාරම් අඳුරේ
දවසක් දා මල් වැස්සේ තෙමුනා
මතකද හැන්දෑවේ අපි දෙන්නා මන්දාරම් අඳුරේ
දවසක් දා මල් වැස්සේ තෙමුනා
ගායනය-රුවන් හෙට්ටිආරච්චි /රයිනි චාරුකා
05 Nov 2008 -
හෙමින් සැරේ පියා විදා
සුමුදු සයනේ සිනිඳු ඇතිරිල්ලෙන්
පලා ඇවිත් සිතුම් සියොතුන්
සුමුදු සයනේ සිනිඳු ඇතිරිල්ලෙන්
මලක් නම් එය මලක් වුව මැන
සිනිඳු සුකොමල රුවෙන් සරසන
විලක් නම් එය විලක් වුව මැන
නීල ඉඳුවර දියෙන් උපදින
නැවුම් වත්සුණු රොනින් මත් වී
සිහින නිම්නය සුපුෂ්පිත වෙයි
සිහින් හඬකින් මහද අමතයි
මුදා හැරදා පවුරු සිරි යහනේ
05 Nov 2008 -
පැලේ වසන රන් මලී
මගේ සොඳුරු සිරිමලී
ඔබේ මියුරු ගී ඇසී ඇසී
මම සොයා එමී රන්මලී
වෙලේ දිළෙන රන් ගොයම් කරල්
ඔබේ හඬට යයි නැමී
වනේ පිපෙන මල් සිනාසිසී
ඔබේ දෙපා පොඩි සිඹී
ඇගේ සොඳුරු රන්මලී
එපා වුනත් සිරිමලී
ඔබේ මියුරු ගී ඇසී ඇසී
මම සොයා එමී රන්මලී
ඔබේ දිළිඳුකම යටයි සුදෝ
සැබෑ සොඳුරු ගුණ නිසා
ඔබේ සිනාවත් අගෙයි මටා
හෙළේ ඔටුන්නට වඩා
විලේ සොඳුරු රන්මලී
එපා වුනත් සිරිමලී
ඔබේ මියුරු ගී ඇසී ඇසී
මම සොයා එමී රන්මලී
05 Nov 2008 -
නව දැලි හේනක පෑව වැඳිරි රුව
ලෙස උවමින් දෙනුවන් රවටා
මා පෙම් කළ ජනපද කළ්යාණිට
හිමිඋඅනි මට කල නොහැක නිගා
සුරඟන රූ සිරි දුටිමි හැඳින්නෙමි
සිත් ලෙස දෙනුවන් බඳුන් පුරා
මා හඳුනන මගෙ හදගත් කළණිය
මට නුදුරුයි සුරඟනට වඩා
මා සිත සුවපත් කරලනු නොහැකිය
සෝ ළතැවුල් දෙයි රැයද දිවා
නෙත දුටු සුරඟන රූ සිරි කුමටද
හද දුටු ජනපද කළණි නිසා
05 Nov 2008 -
දුන්නු වේදනා මේ නෙතින් උදුරලා
මතක රැස් වෙලා හිත අයාලේ ගියා
හිතෙන්නේම නෑ ඔබ මගේ නොවේ කියා
ජීවිතේම දැන් මාගේ හීනයක් වෙලා
කෙටි කාලයකින් හමුවී
මගෙ ජීවිතයට පැමිණි
ලස්සනම සිහිනෙකි ඔයා
ලස්සනම සිහිනෙකි ඔයා
මේ සීත වස්සානේ පාළුව දවන්නේ
තනිකමයි හදවත සරන්නේ
මේ අන්ධ හිත මානේ මතකය තැවෙන්නේ
සෝ සංකා හිරිහැර කරන්නේ
කෙටි කාලයකින් හමුවී
මගෙ ජීවිතයට පැමිණි
ලස්සනම සිහිනෙකි ඔයා
ලස්සනම සිහිනෙකි ඔයා
සඳ නේන රෑ යාමේ සසලව හිඳින්නේ
කළුවරයි දසතින් හමන්නේ
වැටෙන හුස්මක් ගානේ ඔබවමයි සිහිවන්නේ
ඔබ කොහේදෝ හිඳින්නේ
කෙටි කාලයකින් හමුවී
මගෙ ජීවිතයට පැමිණි
ලස්සනම සිහිනෙකි ඔයා
ලස්සනම සිහිනෙකි ඔයා
05 Nov 2008 -
පෑව මල් සිනා ඔබ මට මා වශී වුනා ඔබ හට
තාම මා සිතේ රැඳී තියේ
වේදනා ගෙනේ හදවත දරා ගන්න බැරි තරමට
කාරනා පැතුම් අතීතයේ
නිලන වැසි සමේ ඉකි බිඳ හඬන සිත ම ගේ නුඹ ගැන
හීනය සිත යටම නිදි වරයි
හිතට හිත නැතත් නෙත ළඟ තවම මැවි මැවී නොපෙනෙන
ජීවිතයට සැනසුම නුඹමයි
සුවඳ මල් නෙලා සැරසුව පාට හැඩ තියා ගැලපුව
මගේ නොවන සිත නුඹේ ළඟයි
කඳුළු තව තියේ සීතල හඬනවා ම නම් දෙනුවන
මගේ නෙතට හදවත කොඳුරයි
05 Nov 2008 -
සඳ එළිය ගඟක් වී
මා නුවන් ඉවුරේ
හැපී පෙන පිඩු නගයි
අනේ අපි කවාදාක පීනමුද ඒ ගඟේ
මල් සුවඳ රටක් වී
මා නුවන් සයුරේ
ඒ රටට අඬ ගසයි
අනේ අපි කවදාක හිනැහෙමුද ඒ රටේ
කිරි සිහින සඳක් වී
මා නුවන් අඹරේ
සිනා සී අත වනයි
අනේ අපි කවදාක ඇවිදිමුද ඒ සඳේ
05 Nov 2008 -
මීදුමෙන් වැසී කදු යාය සලිත වී
ඔය වාගේ සීතලෙන් නලියාවි කිති කැවී
නීල නිම්නයේ රතු රෝස මල් පිපී
අපි වාගේ ආදරෙන් හිනැහේවි ලං වෙවී
ලා හිරුගේ සෙවනේ විඩා නිවා
ඒ සුවයේ නැලවෙන්න නෙත් පියා
සේද නිල්ලේ මල් යායේ
ඇවිද යන්නයි හිත් මානේ
ඔබය මාගේ රජ දහනේ
කිරුල හිමි වු මනමාලි
ඔබය හීනය සන්තානේ
වැතිර ඉන්නයි මේ හීනේ
සිහින විමනේ සිහිලැල්ලේ
ඉගිල යාදෙන් මැවු හීනේ
නීල නිම්නයේ ...
මුහුදු වෙරලේ රළ වාගේ
ඇවිත් කොදුරන් රන් ආලේ
හමන නළ සේ හැන්දෑවේ
තුරුලු වී ඉගිලෙමි ආයේ
නීල නිම්නයේ ...
05 Nov 2008 -
යදමින් බැඳ විළංගුලා මගේ පුතා රැගෙන යන්න
ඉදිකටු ඇන ඇඟිලි තලා දෙතිස් වදය පමුණුවන්න
අළුත් ලොවක් ගැන සිතීම දඬුවම් දෙන වරද නම්
කුමට එරට අධිකරණය නීතිය සහ විනිසුරන්
කකා බිබී නටන අතර නරුම යහළු යෙහෙළියන්
පන්දු කෙළින අතර ඉහළ පාසැල් වල අමනයින්
රට ගිනිගෙන ඇති වග දුටු මගේ එකම පුතණුවන්
එගිනි නිවන මග සෙවීම වරදක් දැයි මට කියන්
ගිනි ගන්නා රටක කෙළින මී හරකුන් වැනි පුතුන්
කුමටද මට මහ විරුවෙකි සිර ගෙයි මළ මගෙ පුතුන්
කෝටි ගණන් බිහි වේවා මගෙ පුතු වැනි තව පුතුන්
කිරිමව් ලෙස මම ඉන්නම් එවන් පුතුන් ලඟ උතුම්
05 Nov 2008 -
වහින්නට හැකිනම් ගිගුම් දී
වියලි ගම් බිම් වල ඉහලින්
ඉදෙන්නට හැකිනම් බතක් වී
බතක් නොඉදෙන පැලක රහසින්
රැඳෙන්නට හැකිනම් ළමා කැළ
හඬන දෙතොලඟ සිනාවක් වී
පිපෙන්නට හැකිනම් තුරින් තුර
නෙලා ගත හැකි වන මලක් වී
පුදන්නට හැකිනම් දෙනෙත් තුල
සදා වෙනසද සිහිනයක් වී
ගැයෙන්නට හැකිනම් දොරින් දොර
ලොවම පුබුදන ගීතයක් වී
05 Nov 2008 -
ඇරඹුමම කඳුලක් වෙලා
මා බලා ඉද්දී ඒ දිහා
ආ දුරත් දුර වැඩි නිසා
අවසානයට පෙර ඈ ගියා
දුක් බරව කවියක් ලියා
එහි පද පෙලක් අඩුවෙන් තියා
අරුත පසිඳින්නට කියා
අවසානයට පෙර ඈ ගියා
ඇරඹුමම කඳුලක්...
ශෝකාන්තය එනතුරා
එහි රැඳෙන්නට සිත් නැති නියා
අනන්තය ලඟ මා දමා
අවසානයට පෙර ඈ ගියා
ඇරඹුමම කඳුලක්...
ගායනය-කසුන් කල්හාර
05 Nov 2008 -
පායා සීත රැයේ
පාවී නිල් අඹරේ
දිළෙනා තරුවේ තනිවූ තරුවේ
ඈ නෑ මා සෙවනේ
තනි තරුවේ ඔබ විලසින් තනිවී ඇත මා සසරේ
තනි තරුවේ ඔබ විලසින් තනිවී ඇත මා සසරේ
යළි මේ භවයේ නෑ හමුවන්නේ
ඈ යළි නොඑනා ඔබේ ලොවේ
පායා සීත...
මද පවනේ රැඳි විලසින් හඬ තාම ඇසේ ඇයගේ
මද පවනේ රැඳි විලසින් හඬ තාම ඇසේ ඇයගේ
රෑ තනි යහනේ මේ දුක් සිහිනේ
පමණද උරුමය ජීවිතයේ
පායා සීත...
ගායනය-විජය කුමාරතුංග
05 Nov 2008 -
පෙම් කවක් ලියූ නුඹ සිත් අහසේ
එය මකා දමා ගිය හැටි රහසේ
නුඹ මෙතෙක් රැඳි උන් මා මනසේ
පෙම් පුරාවතක් නිමා කරන්නද මා කෙලෙසේ
නුඹ යන්නම යන්න යනවා නම්
මට ඉන්න කියන්නට බැහැනේ ඉතින්
යලි එන්නම එන්න හිතුනේ නම්
නුඹ එන්න එපා මගෙ හිත තහනම්
පෙම් කවක්....
හුරතලෙන් දැවටිලා මගේ ලගින්
දුන් සතුට එපමණද මට පවසන්
සඳ එලිය පොළවටයි හිමි වූයේ
සඳ අහසෙ රැඳුනාට රත්තරනේ
පෙම් කවක්....
ගායනය-කරුණාරත්න දිවුල්ගනේ
05 Nov 2008 -
අපි ආයෙත් හමු නොවුනා නම්
ඉස්සර දවසක මිය ගිය සෙනෙහස
යළි ඉපදී මා හද හඬවන්නට
අපි ආයෙත් හමු නොවුනා නම්
ඔබ නාඳුනනා විරහ වේදනා
පෙරදා වින්දේ මා පමණයි
හුඟ කලකින් හමුවී සෝ ළතැවුල්
අදත් විඳින්නේ මා පමණයි
අපි ආයෙත් හමු නොවුනා නම්...
සමුගන්නට නම් අහිමි ආදරෙන්
ආයෙත් ඇයි අප හමුවන්නේ
ආදරයේ කඳුළින් මිය යන්නද
ජීවිත ඉරණම විසඳෙන්නේ
අපි ආයෙත් හමු නොවුනා නම්...
ගායනය-සෝමතිලක ජයමහ
05 Nov 2008 -
මතකයි හිත හැඬුවා එදා
මගෙ හිත ඔබ ළඟ නැතිවුනුදා
හීනෙන් ඇවිත් මට තුරුල් වෙලා
පැවසූ ආදරේ හීනයක් වෙලා
මතකයි හිත හැඬුවා එදා
මගෙ හිත නැවතුනුදා
හීනෙන් ඇවිත් මට තුරුල් වෙලා
තුරුළු කරන් මගෙ ළඟට ඔයා
හිතට හොරෙන් ආදරෙයි කියා
අනේ මම ඔබට ආදරේ කළ තරම්
හිතේ කොනක් හෙමිහිට හැඬුවා
තනිකම තනියට තනි නැතුවා
ඔබ එන මග බලලා
හඬනා නෙතු සඟවා
මගෙ හිත කොහිදෝ තනිවූවා
සීතල මීදුම් මා සිත පොපියා
ඔය ගත උණුසුම මතකෙට නැගුවා
හීනෙට තුරුල් වෙලා
ඔබෙ ආදරේ පතා
සැනසෙන්නම් මා දිවි තිබෙන තුරා
05 Nov 2008 -
එපා යළි හමුවන්න ජීවිතේ ගමන් මඟ
ඔබෙන් මට උරුම වූ වේදනා කඳුළු ගඟ
හිරු සිනාසෙන ලොවක පැතුම් මල් දෙවැට ලඟ
ඔබේ ජීවන සුවඳ අරන් ඈතට යන්න
සංසාර ගමන් මඟ සෙනෙහස සොයා දිනක
ආ ගමන නිමා කල ඔබේ හදවත ගාව
සෙනෙහසේ අවසාන කඳුළු බිඳුවක පහස
ගලා යයි අතීතේ මිය ඇදුනු සොහොන ළඟ
ඔබ මවෙත තිළිණ කල ඔබේ බැතිබර සුවඳ
මගේ මතකය වසා සදාකල් රැදෙනු ඇත
සංසාරයේ යළිඳු නවාතැන් සොයා යන
මගේ මලගම දාට ඇවිත් යන්නට එන්න
එපා යළි හමුවන්න ජීවිතේ ගමන් මඟ
ඔබෙන් මට උරුමවූ වේදනා කඳුළු ගඟ
හිරු සිනාසෙන ලොවක පැතුම් මල් දෙවැට ලඟ
ඔබේ ජීවන සුවඳ අරන් ඈතට යන්න
05 Nov 2008 -
ඔහු අයිති මටයි ඇයට නොවෙයි
අප ළං කලේ දෙවියනි ඔබමයි
ඔහු වසඟ උනේ මිරිඟුවටයි
දෙවියනි මා හිමි නෙතු වැසුනේ ඇයි
සෙනෙහස ගැඹුරුයි පරතෙර නොපෙනෙයි
පන නල විලසින් දිවි සවි රැක දෙයි
ගිලිහුණු සෙනෙහස සිත උමතු කරයි
ගත සම් මස් ලේ විනිවිඳ දුක දෙයි
අසරණිය මමම්යි මගෙ මුළු ලොවම ඔහුයි
ඔහු පාමුල මා පැතු තුසීතයයි
මේ විරහ දුකින් මා දිවි නොරැඳෙයි
දෙවියනි ඔබ අප වෙන් කෙරුවේ ඇයි
ගායනය-නෙලූ අධිකාරි
05 Nov 2008 -
බත කා ඉවරයි බලමින් උන්නොත් ටික කලෙකින් සිංහල හාලේ
ඉංග්රිසි හරකා උඩරට ඉඩමෙන් පන්නන්නට සැරසෙව් රාළේ
ගමේ ගෙදරකට සෙනෙහෙ පපා සිටි බලු කුක්කට මොන බදුද අනේ
තනේ තිබෙන කිරි ටිකටත් බද්දක් ගෙවන්ඩ වේවිද නුදුරු දිනේ
අනේ මගේ ළමයිනේ අඬන විට මොනවද නුඹලට මම දෙන්නේ
බණේ සිටින දෙවියෝ අද ඇත්නම් සුද්දව හතරට පලනවනේ
ඇහැල මහේ සිට නිදහස ඉල්ලන පිපී වැනී ගිය මල් පිපුණා
කඩුවක කොපුවක ඉන්නට කල් නැත, කන්දේ යුද ගිනි දැල් නැගුණා
සප්පායන් වී ජාතික ආලෙන් කොස් කොටනා කඩු මුව තියලා
හප්පන්නේ කවදද පර සුද්දන් සිංහල පොළොවේ කැති ගහලා
කන්දෙ ගෙදර දුප්පත් නෑදෑයින් පෙරමුණකට රැස්වන සද්දේ
කකුළු ලෙසට සුද්දන් කෙලියාවේ ටිකකට උතුරන තුරු හොද්දේ
සිංහල දරුවන් උඩ විසි කරලා අමුණයි බයිනෙත්තුවෙ ඉබ්බේ
පුරන් අප්පු කන්දට වැඩි දෙවියෙක් මාර සෙනඟ මැද යම යුද්දේ
කෙහෙල් කුරුල්ලන් වාගේ රුපු හිස් අට ඉස් බෙක් විසිවී වැටුණා
රණබිම මරණය මියුරුය කියලා පුරන් අප්පු සටනට වැදුණා
ගායනය-සුනිල් එදිරිසිංහ