Songs Of Zuriel

සිතට හොර මන් ඔබේ වෙලා දැන්
ලොවට හොර මන් පෙම් කරන්නම්
ඇගේ නිසා මන් දුරින් හිදින්නම්
දුරට වෙලා මන් පෙම් කරන්නම්

වැටහෙන්න නෑ කදුළු වෙයි මෙසේ
වෙන් වෙන්නෑ මියෙන තුරු මගේ ආදරේ

නෙතු සිඹින සිඹින සුසුමන් පවා පාරවයි හද මගේ
ඔය ගලන ගලන කදුලින් නුඹේ
සසලවයි සිත මගේ
කඳුලු පුරෝගෙන ඉන්න හිතාගෙන
නුඹේ  සිනා අතර මියැදෙන්නම් ඉතින් මන්
මියැදෙන්නම් ඉතින් මන්

පෙරදා මා රෑ අහසේ
පෑයූ සද සාවී
අද රෑ මගෙ අහසේ පායාපන් රහසේ
නුඹ දන්නවාද දන්නෙ නෑ මගෙ ආදරේ
නුඹ ඉන්නවාද දන්නෙ නෑ මගෙ ලෝකයේ....///
නුඹට දැනෙනවාද දන්නෙ නෑ මගේ ආදරේ


සිතට හොර මන්...

ගායනය : රහල් අල්විස්

ඔබ දුටු ඒ මුල් දිනේ සිදු වූ සැම දේ
තවමත් මගේ මතකයේ රැදේ
නෙත් යුග මා දෙස යොමා මගේ මියුලැසියේ
කුමක් කියන්නටද සැරසුනේ

කාගේ කවුරුද කොතැනක සිටිනවද ඔයා
කෙලෙසද මා එය දැනගන්නේ
කවදා කොයිබදි යලි හමුවේදැයි කියා
පැනයකි මා සිත පාරන්නේ

කැටිකොට ගුවනට මුසුකොට මගේ රස හැගුම්
ඔබ වෙත ගීයකින් එවන්නම්
මතු දිනයක මගෙ දෙනෙතට ඔබ හමුවේ නම්
එදින නැවත මා හිනැහෙන්නම්

ගායනය : සුනිල් පෙරේරා
‍‍‍‍පසු ගායනය : දුශාන් ජයතිලක

මට කියන්න හැම දෙයක්ම
සිතේ තියන දුක නිවෙන්න
හදේ ගැස්ම ‍දැනෙනා තැනක
මං ආසයි අහන් ඉන්න

ඔබේ නෙතු අගින් රැදෙනා කඳුල
මෙනෙහි කරමින් අදුරු සිතින්
ලොවේ දහමින් මිදිලා රැදෙමින්
හැකිවේද සිතනු රිසින්

මට කියන්න...

දුක රැදෙයිද හැම දිනක්ම
නෙතු අගින් කදුලෙන් අප තෙමන්න
රැදෙන්න අවසරයි සොදුර
පුදමි දෝතින් වසන්තය

මට කියන්න...

‍‍‍‍ගායනය : නදීක ජයවර්ධන